పిల్లలు ఆడుకోవ‌డానికి మారాం చేస్తే మ‌నం వెంటనే బొమ్మలు కొని ఇస్తాం కాని ఇక్క‌డ తండ్రి మాత్రం వారికి ఏకంగా బొమ్మలు తయారు చేసి ఇస్తున్నారు మరి ఈ ఇంట్ర‌స్టింగ్ స్టోరీ గురించి ఓసారి తెలుసుకుందాం.తన పిల్లల కోసం ఓ తండ్రి చేసిన అద్భుత ఆవిష్కరణ ఇది. కేరళాలోని ఇడుక్కి ప్రాంతానికి చెందిన అరుణ్ కుమార్ పురుషోత్తమన్ మినీ ఆటో రిక్షా తయారు చేసి ఇంటర్నెట్‌ సెన్సేషనల్‌గా మారాడు. అరుణ్ ఇడుక్కి జిల్లా ఆసుపత్రిలో స్టాఫ్ నర్సుగా పనిచేస్తున్నాడు. అతనికి ఒక కొడుకు, ఒక కూతురు ఉన్నారు.పిల్లలు బొమ్మలు కావాలంటూ నిత్యం మారం చేస్తుండటంతో తానే స్వయంగా ఏదైనా తయారు చేయాలని భావించాడు. ఖరీదైన బొమ్మలు కొనే బదులు.. అందుబాటులో ఉండే వస్తువులతో తన పిల్లలు ఆడుకునేందుకు వీలుగా మినీ ఆటోను తయారు చేయాలని నిర్ణయించాడు. 1990లో విడుదలైన మలయాళం చిత్రం ‘అయే ఆటో’ సినిమా స్ఫూర్తితో ఆటో తయారీ మొదలుపెట్టాడు. ఆ సినిమాలో హీరో ఆటోను ‘సుందరి’ అనిపిలుస్తాడు. దీంతో అరుణ్ కూడా తన మినీ ఆటోకు ‘సుందరి’ అని పేరు పెట్టాడు.
డూ-ఇట్-యువర్‌సెల్ఫ్ (DIY – వ్యర్థాలతో ఇంట్లోనే స్వయంగా అందమైన అలంకరణ లేదా పునర్వినియోగ వస్తువులను తయారు చేయడం) చానెల్‌లో పనిచేసిన అనుభవం కూడా ఉన్న నేపథ్యంలో అరుణ్.. తన మెదడులో తట్టిన ఐడియాను వెంటనే అమల్లోకి తెచ్చాడు.‘డిష్’ గొడుగులే.. ఆటో బాడీ: డిష్ టీవీలకు ఉపయోగించే గొడుగులతోనే ఆటో బాడీని సిద్ధం చేశాడు అరుణ్. ఇలా అందుబాటులో ఉన్న ప్రతి వస్తువును ఆటో తయారీలో ఉపయోగించాడు. చెక్కలతోనే చక్రాలు తయారు చేశాడు. ఈ ఆటో తయారీకి సుమారు ఏడు నెలల సమయం పట్టిందని, రూ.15వేలు ఖర్చైందని తెలిపాడు.
మినీ ఆటో తయారీ గురించి అరుణ్ మాట్లాడుతూ.. ‘‘నేను జవహార్‌లాల్ ఇనిస్టిట్యూట్ ఆఫ్ పోస్ట్ గ్రాడ్యుయేట్ మెడికల్ ఎడ్యుకేషన్ అండ్ రీసెర్చ్‌లో నర్శింగ్ ఆఫీసర్‌గా ఉన్నప్పుడు.. నా కొడుకు మాదవ్ కోసం SUV తయారు చేశాను. టాయ్ కార్ల ధర వేలాది రూపాయలు ఉంటున్న నేపథ్యంలో నేనే స్వయంగా కారును తయారు చేయాలని నిర్ణయించాను. ఆ తర్వాత నా కూతురు కేశిని క్రిష్ణ కోసం త్రీవీలర్ బైక్ కూడా తయారు చేశా.’’ అని తెలిపాడు.మా తండ్రి వడ్రంగి. నా చిన్నప్పుడు ఆయన నా కోసం ఓ సెకండ్ హ్యాండ్ సైకిల్ తీసుకుని, వాటి చక్రాలను చెక్కలతో తయారు చేసి అందంగా మార్చేశారు. ఆ తర్వాత నేను కూడా ఆయన అడుగుజాడల్లో నడుస్తూ చెక్కతో చిన్న చిన్న బొమ్మలు, వాహనాలు తయారు చేయడం మొదలుపెట్టా. తాను తయారు చేసిన ఈ వాహనాలన్నీ సాధారణ వాహనాల తరహాలో బ్యాటరీ సాయంతో నడుస్తాయి అని అరుణ్ తెలిపాడు. మరి ఏది ఏమైనా ఈయ‌న తయారు చేసిన వాహనాలు బాగున్నాయి అని అంద‌రూప్ర‌శంస‌లు కూడా ఇస్తున్నారు మరి మీరు కూడా దీనిపై మీ అభిప్రాయాల‌ను కామెంట్ల రూపంలో తెలియ‌చేయండి.